“Bu cür iddialar zaman-zaman Rusiya tərəfindən gündəmə gətirilir və konkret sübutlarla deyil, ehtimallar üzərindən formalaşdırılır”.

Bunu politoloq Oqtay Qasımov xalqcebhesi.az-a açıqlamasında qeyd edib.

O vurğulayıb ki, Ukraynanın Rusiya qazının Avropaya nəqlində maraqlı olmaması Avropanın enerji asılılığını azaltmaq siyasəti ilə paralel gedir:
“Avropa Birliyi ölkələri artıq Rusiya enerji resurslarından asılılığı azaltmaq istiqamətində öhdəliklər götürüb və yaxın dövrdə bu asılılığın minimuma enməsi gözlənilir.Serbiya və Macarıstan istiqamətində qaz kəmərlərində təxribat iddialarının Ukrayna ilə əlaqələndirilməsi də real faktlarla təsdiqlənmir.Dmitri Peskov-un açıqlamaları da daha çox ehtimallara əsaslanır və konkret sübutlarla möhkəmləndirilməyib”.

O.Qasımov bildirib ki, bu proseslərdə əsas məqsəd ictimai rəyə təsir etmək və geosiyasi informasiya üstünlüyü qazanmaqdır.

Günel Elxan