Pakistan ABŞ prezidentinin xüsusi elçisi Stiv Uitkoffdan vitse-prezident Cey Di Vensin İranla danışıqlarda Amerika nümayəndə heyətinin tərkibinə daxil edilməsini xahiş edib.

Xalqcebhesi.az xəbər verir ki, bu barədə "The New York Times" (NYT) qəzeti öz mənbələrinə istinadən məlumat yayıb.

Mənbələrin bildirdiyinə görə, Pakistan Vensin əvvəlcədən İsrail və ABŞ-ın İrandakı əməliyyatına qarşı çıxmasına müsbət yanaşır. İslamabadın xahişindən sonra Amerika lideri Donald Tramp "vitse-prezidentdən sülh səylərinə rəhbərlik etməyi xahiş edib". Qəzet qeyd edir ki, Vens administrasiyanın "prezidentin birbaşa emissarı kimi danışa bilən" yeganə nümayəndəsidir. Trampın kürəkəni Cared Kuşnerin də daxil olduğu nümayəndə heyətinin cümə günü Pakistana yollanacağı gözlənilir.

Məryəm Quliyeva