İndoneziyanın Qərbi Kalimantan əyalətində göyərtəsində səkkiz nəfər olan helikopter radarlardan itib.

Xalqcebhesi.az xəbər verir ki, bu barədə "Agence France-Presse" yerli axtarış-xilasetmə agentliyinə istinadən məlumat yayıb.

Məlumata görə, yerli "Matthew Air Nusantara" aviaşirkətinə məxsus helikopter region daxilindəki yaşayış məntəqələri arasında reys həyata keçirirmiş. Havaya qalxdıqdan bir müddət sonra hava gəmisi ilə əlaqə kəsilib. Helikopterin göyərtəsində iki ekipaj üzvü və altı sərnişin olub.

İndoneziya hakimiyyəti helikopterin itdiyi ehtimal olunan əraziyə 20-yə yaxın xilasedici göndərib. Əməliyyata ölkənin hərbi-hava qüvvələrinin bir helikopteri də cəlb olunub.

Məryəm Quliyeva