ABŞ Prezidenti Donald Tramp bəyan edib ki, İranın zənginləşdirilmiş uranı ölkədən çıxarılması və sonradan məhv edilməsi üçün ya dərhal Amerika Birləşmiş Ştatlarına təhvil verilməli, ya da beynəlxalq nəzarət altında elə yerindəcə ləğv edilməlidir.

Xalqcebhesi.az xəbər verir ki, bu barədə Tramp özünün "Truth Social" sosial şəbəkəsində yazıb.

"Zənginləşdirilmiş uran (Nüvə Tozu!) vətənə daşınması və sonradan məhv edilməsi üçün ya dərhal Amerika Birləşmiş Ştatlarına təhvil verilməli, ya da daha arzuolunan variant kimi, elə yerindəcə və ya digər uyğun bir məntəqədə İran İslam Respublikası ilə birgə və koordinasiyalı şəkildə məhv edilməlidir. Bu zaman Atom Enerjisi üzrə Komissiya və ya onun analoqu bu prosesin və hadisənin şahidi olmalıdır", — deyə ABŞ prezidenti qeyd edib.

Məryəm Quliyeva