İran və İsrail arasında münaqişənin kəskinləşməsi ilə əlaqədar dünya bazarında neft qıtlığı yoxdur, lakin risklər artıq qiymətdə özünü göstərir.

“APA-Economics”in Rusiya mətbuatına istinadən verdiyi məlumata görə, bunu Rusiya Federasiyasının baş nazirinin müavini Aleksandr Novak bildirib.

"Belə ki, heç bir qıtlıq yoxdur. Balans qorunur. Tədarüklər həyata keçirilir. Bazar müəyyən riskləri qiymətləndirir, ona görə də bu, digər amillərlə yanaşı, qiymətdə də özünü büruzə verir", - Aleksandr Novak qeyd edib.

Baş nazirinin müavini neftin qiymətinin Yaxın Şərqdə eskalasiya səbəbindən bir barel üçün 100 ABŞ dollarına yüksələcəyi ilə bağlı proqnozları şərh etməyib: “Mən bəzi insan və ekspertlərin öz qiymətləndirmələrini verdiklərini görürəm. İndi istənilənləri demək olar. Hər şey bazarın qeyri-müəyyənliklərə və risklərə reaksiyasından asılı olacaq”.