“Türkiyə Cümhuriyyət Xalq Partiyasının (CHP) sədri Özgür Özər Avropa Şurasında səs vermə hüququnun təmin edilməsi üçün Azərbaycanı müdafiə edərək, bunun özləri üçün önəmli olduğunu vurğulayıb. Qardaş ölkənin əsas müxalifət partiyası CHP-nin Azərbaycana qarşı mövqeyində müsbət dəyişikliklər baş verir”. Xalqcəbhəsi.az xəbər verir ki, bunu politoloq Məhəmməd Əsədullazadə deyib. O, bildirib ki, CHP Türkiyədə bələdiyyə seçkilərində qalib gəlib, kifayət qədər mövqeyini möhkəmləndirib: “Türkiyədə CHP iqtidara gəlməsi ilə, Azərbaycana dəstəyin azalacağı, daima siyasi partiyalarda və ekspert camesində siyasi müzakirə predmeti olur. AKP kimi, CHP-nin Azərbaycana tam dəstək verməyəcəyi qeyd edilir. Burada haqlı məqamlar var”.