ABŞ-nin fevralın 28-dən iyunun 30-dək İrana qarşı hərbi əməliyyatları 33,4 milyard dollara başa gəlib ki, bunun da 22,3 milyard dolları sursatlara xərclənib.

Xalqcebhesi.az xəbər verir ki, bu barədə CBS kanalı Pentaqonun baş müfəttişinin hesabatına istinadən məlumat yayıb.

Telekanal məruzədən bu çıxarışları sitat gətirir: ""Epik qəzəb" əməliyyatı gedişində sursat sərfi strateji ehtiyatlarda çatışmazlığa gətirib çıxardı və müdafiə sənayesi tərəfindən sursat ehtiyatlarının bərpası üçün maneə yaradan amilləri nümayiş etdirdi".

Bu, baş müfəttişin ABŞ və İran münaqişəsi mövzusunda ilk açıq hesabatıdır.

Bununla belə, xərclənən vəsaitin qiymətləndirilməsinə İranın zərbələri nəticəsində ABŞ-nin Yaxın Şərqdəki bazalarına dəymiş zərərə görə oluna biləcək xərclər daxil edilməyib; məruzədə dəqiqləşdirilir ki, obyektlərin bərpa olunub-olunmayacağı və xərcləri kimin ödəyəcəyi məlum deyil. Hesabata əsasən, İranın zərbələri ABŞ-nin Küveyt, Bəhreyn, Qətər, BƏƏ, Səudiyyə Ərəbistanı, İraq, Oman və İordaniyadakı bazalarında yüzlərlə tikilini məhv edib və ya zədələyib.

Bununla yanaşı, ABŞ hərbçiləri dörd "F-15" qırıcısını və 30 "MQ-9 Reaper" dronunu itirib, yeddi "KC-135" yanacaqdolduran təyyarəsi və bir "F-35" qırıcı-bombardmançısı isə zədələnib.

Məryəm Quliyeva