"Azərbaycan AQEM-in daha güclü və effektiv təşkilata çevrilməsi üçün universitetlər arasında əməkdaşlığı prioritet olaraq seçib".

APA xəbər verir ki, bunu Azərbaycan xarici işlər nazirinin müavini, COP29-un Azərbaycan üzrə baş danışıqçısı Yalçın Rəfiyev ADA universitetində Yaşıl Enerji və Dayanıqlılıqda Universitetlərin Rolu” adlı beynəlxalq konfransda çıxışı zamanı deyib.

“Biz iqtisadi, humanitar və ekoloji sahələr daxil olmaqla sektorlararası qarşılıqlı əlaqələrin gücləndirilməsi vasitəsilə bağlantını əsas fundamental problem kimi prioritetləşdirmişik və bu istiqamətdə bağlantı həllərinin təşviqinə çalışmışıq. Azərbaycan AQEM-də öz liderliyini nümayiş etdirərək kiçik miqyaslı bir foruma sədrlik etməsi zamanı qazandığı əvvəlki uğurlu təcrübələrdən faydalanıb. Sədrliyin səyləri və üzv dövlətlərin dəstəyi ilə AQEM cəmi bir il ərzində institusional inkişaf istiqamətində zəruri addımları atmağa və regionda etimadı artırmağa nail olub. Bu inkişafı nümayiş etdirmək üçün AQEM Qadınlar Şurasının yaradılması üzrə tərəfdaşlıq təşəbbüsünü vurğulaya bilərik ki, bu da üzv dövlətlər tərəfindən yekdilliklə dəstəklənib. Eyni zamanda biz AQEM Maliyyə Sammitinin yaradılmasını yekunlaşdırdıq. Bu iki yeni məsləhətçi qurum şirkətin bu sahədə fəaliyyətlərin təşviqi ilə bağlı məqsədlərini irəli aparmağa kömək edəcək. Azərbaycanın sədrliyi həmçinin AQEM məsləhətçi siyasətlərində sinerjilərin təşviqini prioritetləşdirib. Bununla əlaqədar olaraq, Bakıda keçirilmiş 13-cü AQEM Beyin Mərkəzləri Forumunun uğurlu təşkilinə nail olunub ki, bu da AQEM-ə üzv ölkələr arasında regional əməkdaşlıq və idarəetmə mövzusuna həsr edilən ilk belə tədbirdir və qlobal və regional məsələlər üzrə AQEM gündəmini irəlilətməyə dair məhsuldar müzakirələr üçün aparıcı ekspertləri bir araya gətirib. Gənclərin AQEM regionunda sülhün, əməkdaşlığın və dayanıqlı inkişafın təşviqində mühüm rolunu nəzərə alaraq, Azərbaycan ötən ay Bakıda 8-ci AQEM Gənclər Şurasının toplantısını keçirib. Bu tədbirdə 100-dən çox iştirakçı iştirak edib və təsirli tövsiyələr paketi qəbul olunub”, - Yalçın Rəfiyev bildirib.

Nazir müavini Azərbaycanın AQEM-in təşkilat kimi inkişafına bundan sonra da töhfə verəcəyini qeyd edib.