“MSK-nın şikayətlərə baxmaması ilə bağlı iddialar gülməlidir”.
Bunu Mərkəzi Seçki Komissiyasının sədri Məzahir Pənahov deyib.
MSK sədri bildirib ki, bu onlar üçün qeyri-adi iraddır: “MSK daxil olan bütün şikayətlərə baxmaqda maraqlıdır. Heç bir namizəd şikayətlərə baxmamağımızla bağlı cəmiyyətə yalan məlumat verməməlidir. Sağlam, düzgün adam yalan informasiyanı niyə yaysın?".
Məzahir Pənahov 29 saylı Səbail Seçki Dairəsindən namizədliyi qeydə alınan Bəxtiyar Hacıyevin bir neçə gün əvvəl MSK-nın qapısını kəsərək, içəri keçmək istəyənlərə mane olmasına da münasibət bildirib. O, qeyd edib ki, namizəd olmaq heç kəsə qanunu pozmaq hüququ vermir: “Heç kəs MSK-nın qapısını bağlayıb insanları içəri buraxmamaq hüququna sahib deyil. Bu cür məsələləri səsləndirmək lazımdır. Namizədlər də Seçki Məcəlləsinin tələblərinə uyğun hərəkət etməlidirlər”.