Yaponiya hökumətinin Urmu gölünün bərpası və məhvinin qarşısını almaq üçün İran hökumətinə verdiyi 4 milyon 500 min dollar pul yoxa çıxıb.

Gunaz.tv

Bu haqda Urmu gölünün tamamilə quruyacağı barədə xəbərdarlıqlardan sonra sosial media şəbəkəsində paylaşım edilib.

Bildirilib ki, Urmu gölünün bərpası ilə bağlı Tokio və Tehran arasında 2024-cü ilin oktyabr ayının əvvəlində razılaşma imzalanıb və Yaponiya təfəi bunun üçün əvəzsiz olaraq 4,5 milyon dollar vəait ödəyib.

"Buna baxmayaraq, o gündən bu günə kimi gölün bərpası üçün heç bir iş görülməyib və Azərbaycanın təbiət incisi dahada acınacaqlı vəziyyətə düşüb",- məlumatda bildirilib.

Xatırladaq ki, Yaponiya son dəfə 2025-ci ilin aprel ayında da yenidən Urmu gölünün bərpası üçün 3.3 milyon dollar vəsait ayırıb.

Qeyd edək ki, rəsmi məlumata görə, hazırda Urmiya gölündə su miqdari təxminən 1 milyard kubmetr civarındadır və bu tendensiyanın davam edəcəyi təqdirdə yayın sonuna kimi gölün tamamilə quruyacağı proqnozlaşdırılır.