Tədqiqatçı və ətraf mühit fəalı Məhəmməd Dərviş Urmu gölünün qurumasına cavabdeh olan qurumların fəaliyyətini tənqid edərək deyib: Əvvəlki illərdə yağıntının səviyyəsi indikindəndə aşağı olsa da göl heç vaxt belə qurumamışdı.

Gunaz.tv

“Etemad” qəzetinə müsahibə verən Dərviş, səlahiyyətlilərin yağışlı mövsümdə gölü xilas etmədiyinə diqqət çəkərək, “Əslində göl istər yağıntılı mövsümdə, istərsə də quraqlıqda heç vaxt indiki duruma düşməmişdi” deyib.

O əlavə edib: “Bizdə 14 faiz çox yağıntı olanda da Urmu gölü yenə quruyurdu, yəni yağış yağsa da, yağmasa da, gölə bir damcı suyun getməsinəə imkan vermirlər”.

Xatırladaq ki, İran hakimiyyəti Oman dənizindən İsfahana uzun su boru xətti çəksə də farsların yaşamadığı bölgələrdə susuzluq və başqa problemləri aradan qaldırmaq üçün heç bir vəsait ayırmır.