İş adamlarının vergilərin artırılmasına, etirazları davam edir. Bu səbəbdən qapadılan Təbriz bazarı isə artıq bir həftəyə yaxındır bağlıdır.
Təbrizin qızıl bazarının bağlı olması Milli Qiyamın (may hadisələri , xordad hadisələri) 8-ci ildönümü və şəhərdə təhlükəsizlik qüvvələrinin aktivləşdiyi günlərə də təsadüf edir.
Xatırladaq ki, Təbrizin qızıl bazarı (əmir bazarı və əmirkəbir ticarət mərkəzi) rejimin vergiləri 3 faizdən 8 faizə qaldırmasına etiraz olaraq bağlanıb. Qızıl mağazalarının sahiblər mayın 17-dən (ordibeheştin 27-dən) öz mağazalarını bağlayıblar və dövlətin bu qərardan geri çəkilməyənə qədər etiraza davam edəcəklərini bildiriblər.
Təhlükəsizlik qüvvələri isə mağaza sahiblərini mağazalarını açmadığı təqdirdə həbslə hədələyiblər.
Həmçinin həmin səbəbə görə Güney Azərbaycanın digər böyük şəhəri Urmiyənin zərgərləri də mayın 20-dən (ordibeheştin 30-dan) mağazalarını bağlayıblar. Qızıl bazarı, Zərgərxana və İmam xayabanındakı qızıl mağazaları tətil edilib.