Yeni mövsümə Türkiyədə hazırlaşan “Turan Tovuz”un növbəti yoxlama oyunundakı rəqibi müəyyənləşib.

Bu barədə klubun mətbuat xidməti məlumat yayıb.

Bildirilib ki, Kurban Berdıyevin rəhbərlik etdiyi kollektiv yay təlim-məşq toplanışı çərçivəsində Türkiyənin “Fatih Karagümrük” klubu ilə qarşılaşacaq. Yoxlama matçı iyulun 27-də keçiriləcək.

Qeyd edək ki, “Turan Tovuz” Türkiyə toplanışındakı ilk yoxlama görüşündə İranın U-21 millisi ilə üz-üzə gəlib. İyulun 17-də keçirilən qarşılaşma 1:1 hesabı ilə başa çatıb.