“Qarabağ” komandasının UEFA Avropa Liqasının III təsnifat mərhələsindəki potensial rəqibləri müəyyənləşib.

Qurban Qurbanovun baş məşqçisi olduğu kollektiv II təsnifat mərhələsində Bolqarıstanın ÇSKA (Sofiya) klubunu mübarizədən kənarlaşdıracağı təqdirdə “Şerif” (Moldova) – “Makkabi” (Təl-Əviv, İsrail) cütünün qalibi ilə qarşılaşacaq.

Qeyd edək ki, UEFA Avropa Liqasında III təsnifat mərhələsinin matçları 6 və 13 avqust tarixlərində keçiriləcək.