Ukrayna ilə NATO arasında uzunmüddətli əməkdaşlıq onu deməyə imkan verir ki, ölkə artıq alyansın faktiki üzvü olub. Bunu Ukraynanın müdafiə naziri Aleksey Reznikov deyib. "Mən NATO-nun baş katibi Yens Stoltenberqə Ukraynaya verdiyi dəstəyə görə minnətdaram. Biz uzun bir yol keçmişik və de-fakto alyansa qoşulmuşuq", - o, Twitter-də yazıb. Bundan əvvəl Ukrayna prezidenti Vladimir Zelenski Ukraynanın NATO-ya üzv olmayacağının tanınmasının vacibliyini bəyan edib. Lakin sentyabrın sonunda o, hərbi-siyasi bloka sürətləndirilmiş şəkildə qoşulmaq üçün ərizə imzalayıb. Stoltenberq jurnalistlərin alyansın belə bir müraciətə baxmağa hazır olub-olmaması ilə bağlı birbaşa sualına cavab verməyib.

Cavid