Sloveniya Xarici İşlər Nazirliyinin keçmiş rəhbəri, Sloveniya Demokratik Partiyasından olan deputat Anje Loqar prezident seçkilərinin birinci turunda bülletenlərin 97,84 faizini hesablayandan sonra 34 faizə yaxın səs toplayıb.

Trend-in məlumatına görə, bu barədə ölkənin Dövlət Seçki Komissiyasının saytında bildirilib.

Məlumata əsasən, yerli vaxtla saat 21:25 üçün A.Loqar 33,9% səs toplayıb. İkinci yerdə bitərəf namizəd, hüquqşünas Nataşa Pirts-Musar (26,89%), Avropa Parlamentinin deputatı, "Sosial Demokratlar" Partiyası və "Azadlıq" Hərəkatından olan namizəd Milan Brqlez üçüncü yerdədir (15,46%). Koçevye bələdiyyəsinin meri Vladimir Prebiliçdir dördüncüdür (10,65%).