Türkiyənin Hatay vilayətinin İskenderun bölgəsində psixoloji problemləri olduğu iddia edilən suriyalı 20 yaşlı Həsən Habraş anası 53 yaşlı Hüsne Habraşı mübahisə etdikdən sonra boğaraq öldürüb.

O daha sonra qardaşına zəng edərək, “anamız vəfat etdi, başımız sağ olsun” deyib.

Xalqcəbhəsi.az “Demirören” Xəbər Agentliyinə istinadən bildirir ki, qardaşının xəbəri üzərinə ünvana polis və sağlamlıq qrupları gəlib. Qruplar şübhəli şəxsi saxlayaraq ifadəsi alınmaq üçün polis bölməsinə götürüb. Hüsne Habraşın cansız bədəni yarılmaq üçün meyitxanaya aparılıb.

Polisə verdiyi ifadəsində içindəki şeytanı buraxmaq üçün anasını öldürdüyünü deyən Həsən Habraş məhkəmə tərəfindən həbs edilib.