Neryunqridə baş verən partlayışda yaralanan iki nəfərin vəziyyəti son dərəcə ağır qiymətləndirilir
Yakutiyanın Neryunqri şəhərində zənginləşdirmə zavodunda baş vermiş partlayış nəticəsində yaralanan iki nəfərin vəziyyəti son dərəcə ağır qiymətləndirilir. Xalqcebhesi.az xəbər verir ki, bu barədə regional Səhiyyə Nazirliyi öz Telegram kanalında məlumat yayıb.
Departamentin məlumatına görə, bütün zərərçəkənlərlə birlikdə tibbi təyyarə Yakutska saat 21:00-da (Moskva vaxtı ilə 15:00) çatıb. Onlar 2 saylı Respublika Xəstəxanasının-CEMP-nin yanıq mərkəzinə yerləşdiriliblər.
“Hazırda iki zərərçəkənin vəziyyəti son dərəcə ağır, daha iki nəfərin vəziyyəti isə ağır qiymətləndirilir”, - məlumatda deyilir.
Regional Səhiyyə Nazirliyi onların hamısına lazımi tibbi yardımın göstərildiyini vurğulayıb.
Bundan əvvəl Rusiya Fövqəladə Hallar Nazirliyi Neryunqridə kömür zavodunda baş verən yanğının söndürüldüyü barədə məlumat yayıb. İdarədən verilən məlumata görə, yanğın zamanı anbar binası, dam örtüyü, tikinti konstruksiyaları və konveyer yanıb. Yanğının ümumi sahəsi 300 kvadratmetr olub.

Məryəm