"Yüksək dəqiqlikli komplekslər" holdinqi (Rostec-in bir hissəsi) uzaqdan idarə olunan "Caracal" dronuna bənzər, lakin daha böyük yükgötürmə qabiliyyətinə malik "İrbis" robot şassisinin prototipini istehsal edib.

Rostec-in mətbuat xidmətindən TASS-a verilən məlumata görə, hazırda müxtəlif döyüş modullarının quraşdırılması ilə sınaqlar aparılır.

"Caracal" robotik kompleksinin (RTC) sınaqdan keçirilməsi üzrə işlər davam edir. Bundan əlavə, artıq əldə edilmiş nəticələr nəzərə alınaraq, prototip şassi - "Caracal"a bənzər, lakin daha böyük yükgötürmə qabiliyyətinə malik "İrbis" robot şassisi hazırlanıb və istehsal edilib.

Hazırda bu iki şassi müxtəlif döyüş modullarının quraşdırılması ilə paralel sınaqdan keçirilir”, - MILEX 2025 beynəlxalq silah və hərbi texnika sərgisi çərçivəsində dövlət korporasiyası bildirib.

Cavid