Rusiya prezidenti Vladimir Putin Belarus lideri Aleksandr Lukaşenkoya Ukrayna ilə əsir mübadiləsinin təşkilində göstərdiyi köməyə görə telefonla təşəkkür edib.

Bu barədə Kremlin mətbuat xidməti məlumat yayıb.

"Rusiya Prezidenti Vladimir Putin Belarus Respublikasının Prezidenti Aleksandr Lukaşenkoya zəng edərək İstanbulda Rusiya-Ukrayna danışıqlarında əldə olunmuş razılaşmaya uyğun olaraq mayın 23-25-də Qomel vilayətindəki Novaya Quta sərhəd-keçid məntəqəsində məhbusların mübadiləsinin təşkilində göstərdiyi köməyə görə dərin minnətdarlığını bildirib" - məlumatda deyilir.

Cavid