ABŞ-ın Vaşinqton ştatında yük maşınının aşması nəticəsində 250 milyon arının sərbəst qaldığı bildirilib.

Xalqcebhesi.az xəbər verir ki, Vaşinqton ştatının Whatcom bölgəsində baş verən hadisədə, yük maşınının çevrilməsi nəticəsində arılar daşıyan yeşiklər dağılıb və təxminən 250 milyon arı ətrafa yayılıb. Rəsmilər bölgə sakinlərini arı sürülərindən uzaq durmaları barədə ciddi şəkildə xəbərdar ediblər.

Whatcom Şerif İdarəsi qəzanın baş verdiyi Weidkamp Yolunun xilasetmə işləri başa çatana qədər nəqliyyata bağlandığını açıqlayıb və belə bir xəbərdarlıq verib:
“Arıların qaçma və sürü halında toplaşma ehtimalı yüksəkdir. Xahiş olunur, bu əraziyə yaxınlaşmayın.”

Məryəm Quliyeva