Türkiyənin Hatay bölgəsinin Belen rayonunda kənd təsərrüfatı işçilərini daşıyan mikroavtobus aşıb.

Xalqcəbhəsi.az “Demirören” Xəbər Agentliyinə istinadən bildirir ki, qəza gecə saat 04:00 radələrində Antakya-İskenderun avtomobil yolunda baş verib. Mustafa K-nin idarə etdiyi 80 ABE 159 dövlət nömrə nişanlı mikroavtobus idarəetməni itirərək yoldan çıxaraq aşıb.

Qəzada sürücü və 8-i suriyalı olmaqla 24 kənd təsərrüfatı işçisi yaralanıb. Bölgədəki insanların xəbər verməsi üzərinə əraziyə çox sayda sağlamlıq, yanğınsöndürən və polis qrupları göndərilib. Yanğınsöndürənlər tərəfindən avtomobildən çıxarılan yaralılara ilkin tibbi yardım göstərildikdən sonra onlar təcili tibbi yardım maşını ilə yaxınlıqdakı xəstəxanalara çatdırılıb.

Qəza ilə bağlı araşdırmalara başlanılıb.