Saar: Hazırda İsrailin məqsədi İranda rejim dəyişikliyi deyil.

İsrailin xarici işlər naziri Gideon Saar bildirib ki, hazırkı hərbi əməliyyat çərçivəsində İranda hakimiyyət dəyişikliyi İsrailin hədəfi deyil.

Xalqcebhesi.az xəbər verir ki, o, bu barədə Almaniyanın Bild nəşrinə verdiyi müsahibədə danışıb.

“Hazırda İsrailin hərbi-siyasi kabineti bu müharibədə rejim dəyişikliyini məqsəd kimi müəyyən etməyib. Heç olmasa, hələ ki belə bir qərar yoxdur,” – deyə Saar qeyd edib.

Nazir həmçinin İranın ali lideri Ayətullah Əli Xameneinin hərbi hədəf olub-olmaması ilə bağlı suala birbaşa cavab verməkdən imtina edərək əlavə edib:

“Biz heç vaxt əvvəlcədən nə edəcəyimizi demirik.”

Qeyd edək ki, iyunun 19-da İsrailin müdafiə naziri İsrael Kats Xameneinin aradan qaldırılmasının İrana qarşı əməliyyatın hədəflərindən biri olduğunu bildirmiş və vurğulamışdı: “Xamenei kimi diktator mövcud olmamalıdır.”

Məryəm Quliyeva