Rusiya Prezidenti Vladimir Putin İrana zərbələri heç bir əsası olmayan təcavüz adlandırıb.

APA-nın Moskva müxbiri xəbər verir ki, Putin bu barədə Kremldə İran xarici işlər naziri Abbas Araqçini qəbul edərkən deyib.
Putin İran Xarici İşlər Nazirliyinin rəhbərindən ölkə rəhbərliyinə ən xoş arzularını çatdırmağı xahiş edib.

“Mən çox şadam ki, siz bu gün Moskvadasınız. Bu, bizə bu aktual məsələləri müzakirə etmək və bugünkü vəziyyətdən necə çıxmaq barədə birlikdə düşünmək imkanı verəcək”, - Rusiya Prezidenti vurğulayıb.