Fransa Prezidenti Emmanuel Makron İranın nüvə proqramının gələcəyi ilə bağlı BMT Təhlükəsizlik Şurasının daimi üzvləri ilə müzakirələr aparmaq niyyətində olduğunu bildirib.

Bu barədə o, Brüsseldə keçirilən Avropa İttifaqı sammitindən sonra təşkil olunmuş mətbuat konfransında açıqlama verib.

"Yaxın günlərdə Nüvə Silahlarının Yayılmaması Müqaviləsinin qorunması üçün bütün diplomatik səylərimi səfərbər etmək və bu prosesə Təhlükəsizlik Şurasının beş daimi üzvünü cəlb etmək niyyətindəyəm. Bu gün ABŞ Prezidenti Donald Trampdan başladım və hər biri ilə bu istiqamətdə davam edəcəyəm", – deyə Makron vurğulayıb.