Meksikanın Lazaro Kardenas şəhərində timsahlar 14 yaşlı uşağı parçalayıb.

Bu barədə “The Sun” məlumat yayıb.

Nəşrin yazdığı kimi, yeniyetmə büdrəyərək kanala düşüb, yırtıcılar dərhal ona hücum ediblər.

Yaxınlıqda olan valideynlər oğluna kömək edə bilməyiblər.

Hadisə şahidlərinin sözlərinə görə, uşağı tutan sürünənlər onu bataqlığa sürükləyiblər və orada parçalayıblar. Meyitin axtarışına dalğıclar cəlb olunub.

Bundan əvvəl Uqandada çoxuşaqlı ananın öldüyü bildirilirdi. Qadın çay sahilində balıq tutarkən ona hücum edən timsah onu suyun altında sürüyüb. Hücum o qədər sürətli olub ki, şahidlər kömək etmək üçün heç nə edə bilməyiblər. İki gün ərzində mərhumun cəsədi pilotsuz təyyarənin köməyi ilə axtarılıb.

Cavid