Türkiyənin Sakarya bölgəsinin Akyazı rayonunda Altınderenin keçmiş bələdiyyə sədri Gençağa Koç və qızı Fatma C. üçüncü mərtəbədəki evlərinə çıxmaq üçün liftdən istifadə etməyə cəhd ediblər. İpinin qopması nəticəsində lift bir neçə metr yüksəklikdən yerə çırpılıb.

Xalqcəbhəsi.az “Haber Global”a istinadla bildirir ki, hadisə yerinə tibb və jandarma qrupları sövq edilib. Xəsarət alan ata və qıza hadisə yerində ilkin tibbi yardım göstərilərək Akyazı Dövlət Xəstəxanasına çatdırılıb. Onlar daha sonra Sakarya Təhsil və Araşdırma Xəstəxanasına (SEAH) köçürülüb. Bütün cəhdlərə baxmayaraq Gençağa Koçun həyatını xilas etmək mümkün olmayıb, qızının isə müalicə aldığı bildirilir.

Qeyd edək ki, faktla bağlı araşdırmalara başlanılıb.