İranın Xarici İşlər Nazirliyi çərşənbə axşamı ABŞ prezidenti Donald Trampın İsrail parlamentində Tehranla razılaşmaya hazır olması ilə bağlı söylədiyi sözlərdən sonra onun dialoq çağırışını tənqid edərək, Vaşinqtonu “düşməncəsinə və cinayətkar davranışda” ittiham edib.

Xalqcebhesi.az xəbər verir ki, Nazirlik yaydığı bəyanatda Trampın sülh çağırışının onun İrana qarşı hərəkətləri ilə ziddiyyət təşkil etdiyini bildirib.

"Cənab Tramp ya Sülh Prezidenti, ya da Müharibə Prezidenti ola bilər, lakin o, eyni zamanda hər ikisi ola bilməz", - deyə İranın Xarici İşlər Naziri Abbas Araqçi, martın 10-da X sosial şəbəkəsində yazıb.

Məryəm Quliyeva