Filippində təsirini göstərən Fengshen tropik fırtınası (Ramil) şiddətli yağış və sellərə səbəb olaraq 7 nəfərin həyatını itirməsinə, təxminən 245 min insanın isə mənfi təsirə məruz qalmasına səbəb olub.

Xalqcebhesi.az xəbər verir ki, Filippin Xəbər Agentliyinin (PNA) verdiyi məlumata görə, Filippinlər Fəlakət Riski Azaltma və İdarəetmə Şurası (NDRRMC) Fengshen fırtınasının təsirləri barədə açıqlama yayıb.

Açıqlamada, Luzon və Visayas bölgələrində 7 nəfərin həyatını itirdiyi, 2 nəfərdən isə hələ xəbər alınmadığı, təxminən 245 min insanın yağışlardan mənfi təsirləndiyi bildirilib.

Həmin açıqlamada, minlərlə insanın təhlükəsiz bölgələrə təxliyə olunduğu və fəlakətlər nəticəsində 83 binanın zərər gördüyü qeyd edilib.

Məryəm Quliyeva