İran İnqilab Keşikçiləri Korpusunun siyasi məsələlər üzrə komandan müavini Əziz Qəzənfəri bildirib ki, ABŞ danışıqlardan əvvəl İrana 4 şərt təqdim edib və qəbul edilməsə, hücumla hədələyib.

Xalqcebhesi.az xəbər verir ki, İran İnqilab Keşikçiləri Korpusunun siyasi məsələlər üzrə komandan müavini vəzifəsini icra edən Əziz Qəzənfəri Omanda İran və ABŞ nümayəndə heyətləri arasında dolayı danışıqlara münasibət bildirib.

Qəzənfəri ABŞ-ın Oman danışıqlarından əvvəl İrana dörd şərt təqdim etdiyini və qəbul edilmədiyi təqdirdə hücumla hədələdiyini bildirib və ölkəsinin bu təhdid və psixoloji müharibə qarşısında təslim olmadığını əlavə edib.

Qəzənfəri, ABŞ-ın ballistik raket proqramını, regional proksi qruplarına dəstəyi, zənginləşdirilmiş uran və nüvə məsələsini danışıqların mövzusu etmək istədiyini söylədi və İranın müdafiə qabiliyyətinin danışıqların mövzusu ola bilməyəcəyini və danışıqlara baxmayaraq hərbi tədbirlər görməyə davam etdiklərini bildirib.

Qəzənfəri bildirib ki, Omandakı danışıqların ümumi çərçivəsi ABŞ-ın şərtlərinə deyil, İranın mövqeyinə uyğun olaraq formalaşıb və danışıqlar yalnız nüvə məsələləri ilə bağlı olub.

Məryəm Quliyeva