Pakistan Xarici İşlər Nazirliyinin açıqlamasına görə, Pakistan Baş nazirinin müavini və xarici işlər naziri İshaq Dar İslamabadda ABŞ-İran danışıqları çərçivəsində İran Mərkəzi Bankının sədri Əbdülnasir Hemmati ilə görüşüb.

Bəyanatda deyilir: "Hər iki tərəf dialoqun davam etdirilməsinin vacibliyini vurğulayıb və regionda sülh və sabitliyin iqtisadi əməkdaşlıq və ortaq irəliləyiş üçün vacib olduğunu qeyd ediblər".

Xalqcebhesi.az Tasnim-ə istinadən xəbər verir ki, İran və ABŞ nümayəndə heyətləri "bir sıra məsələlər üzrə ətraflı və texniki müzakirələrə keçiblər". Bəyanata görə, "danışıqlar bir günə planlaşdırılıb və onların başqa bir günə uzadılması ehtimalı var".

11 aprel gecəsi Parlament sədri Məhəmməd Bağır Qalibafın rəhbərlik etdiyi İran nümayəndə heyəti münaqişənin həlli ilə bağlı ABŞ ilə danışıqlar aparmaq üçün Pakistan paytaxtına gəlib. Şənbə günü səhər Amerika danışıqlar qrupuna rəhbərlik edən ABŞ-ın vitse-prezidenti J.D. Vens Pakistana gəlib.