İran hakimiyyəti öz donanmasının gücünü ABŞ və İsrail ilə müharibə başlamazdan əvvəlki səviyyəyə yalnız bir nəsil keçdikdən sonra çatdıra biləcək.

Xalqcebhesi.az xəbər verir ki, bu qiymətləndirməni ABŞ Silahlı Qüvvələrinin Mərkəzi Komandanlığının (CENTCOM) rəhbəri admiral Bred Kuper verib.

"Bu məsələ ilə bağlı peşəkar rəyim belədir: İran öz donanmasını bir nəsil ərzində əvvəlki səviyyəsinə qaytara bilməyəcək", — deyə hərbi rəhbər cümə axşamı ABŞ Konqresinin Senatında keçirilən dinləmələr zamanı qeyd edib.

Kuperin sözlərinə görə, ABŞ "Epik Qəzəb" əməliyyatı zamanı öz məqsədlərinə nail olub və İranın pilotsuz uçuş aparatları, raketlər və donanma ilə bağlı müdafiə sənayesi bazasını 90% azaltmağı bacarıb. Amerikalı admiral hesab edir ki, İran donanması yalnız 5-10 ildən sonra bərpa olunmağa başlayacaq, çünki bu, "tikinti üçün sənaye bazası olmadıqda daha da çətinləşən mürəkkəb bir prosesdir".

Məryəm Quliyeva