Tehran hakimiyyəti şəhərdə ilk bomba sığınacağı funksiyalı avtodayanacağın tikintisinə başlayıb, həmçinin hazırda fəaliyyət göstərən bəzi parkinqlər də sığınacağa çevrilə bilər.

Xalqcebhesi.az xəbər verir ki, bu barədə meriyanın rəsmi nümayəndəsi Əbdülmütəhhər Məhəmmədxani məlumat verib.

"Tehranda sığınacaq-dayanacaqların tikintisinə artıq başlanılıb və yaxın həftələrdə şəhərin onuncu rayonunda ilk belə sığınacaq-dayanacağı istifadəyə verəcəyik", — deyə o, mətbuat konfransında bildirib. Meriya rəsmisinin sözlərinə görə, digər bəzi avtodayanacaqların da sığınacağa çevrilmə potensialı var — lazımi dəyişikliklər edildikdən və standartlara uyğunlaşdırıldıqdan sonra onlar da sığınacaq tək istifadə olunacaq.

Məryəm Quliyeva