Hindistanın İnd çayının sularından birgə istifadə haqqında müqaviləni yerinə yetirməkdən imtina etməsi səbəbindən milli su təhlükəsizliyinə təhdid yaranacağı təqdirdə, Pakistan Hindistana müharibə elan edə bilər.

Xalqcebhesi.az xəbər verir ki, bunu İslam Respublikasının müdafiə naziri Xavaca Məhəmməd Asif bəyan edib.

Asif "ARY News" telekanalına müsahibəsində: "Milli təhlükəsizliyimizə təhdidlə üzləşdiyimiz an — su resursları isə bunun bir hissəsidir — biz Hindistanla müharibəyə başlayacağıq. Sözsüz ki", — deyib.

Müdafiə idarəsinin rəhbəri əlavə edib ki, Hindistanın "sudan bir silah kimi istifadə edərək Pakistanın su təchizatını pozmağa doğru narahatlıq doğuran sürətlə irəlilədiyinə" dair konkret sübutlar ortaya çıxarsa, İslamabad hərbi əməliyyatların keçirilməsi imkanını nəzərdən keçirəcək.

Məryəm Quliyeva