İranın daxili işlər naziri İskəndər Momeni İslamabada səfəri zamanı Pakistan rəhbərliyinə İran Prezidenti Məsud Pezeşkianın məktubunu təqdim edəcək.

Xalqcebhesi.az xəbər verir ki, bu barədə "Al Jazeera" telekanalı Pakistan DİN-dəki mənbəyə istinadən məlumat yayıb.

Telekanalın həmsöhbətinin sözlərinə görə, İran idarəsinin rəhbəri "Prezident Pezeşkianın regiondakı mövcud vəziyyətlə bağlı məktubunu gətirir".

Ötən gün KİV-lər İran DİN rəhbərinin nümayəndə heyətinin başında Pakistana ikigünlük səfər edəcəyi və səfər çərçivəsində ölkə rəhbərliyi ilə görüşlər keçirəcəyi barədə məlumat yaymışdı.