“Ukrayna münaqişəni İrana doğru genişləndirməsi son dərəcə təhlükəlidir”.

Bunu Rusiya prezidentinin mətbuat katibi Dmitri Peskov Ukraynanın Xəzər dənizində İran gəmisinə hücumunu jurnalistlərə şərh edərkən deyib.

“Əlbəttə, bunu görməzdən gələ bilmərik. Bu, son dərəcə təhlükəlidir, gərginlikdə növbəti mərhələsidir, (birgə) Kiyev rejimi ilə mübarizə aparmalıyıq”, - o bildirib.

Xatırladaq ki, Ukrayna Xəzər dənizində Rusiyaya silah-sursat daşıdığını bildirdiyi İran hərbi gəmisini vurub. Tehran bundan sonra bəyan edib ki, hücum nəticəsində bir dənizçi həlak olub, biri isə yaralanıb. Tehran gəmiyə hücumu “təcavüz aktı” adlandıraraq, buna cavab verəcəyini bəyan edib. Ukrayna Prezidenti Volodimir Zelenski İranın mümkün addımlarına hazır olduqlarını açıqlayıb.