Təbriz-İrəvan aviareysləri iki illik fasilədən sonra bərpa olunur.

Bu barədə Şərqi Azərbaycan Hava Limanlarının baş direktoru Məhəmməd Əli Nael Qaramalki “Fars News”a açıqlamasında bildirib.

Onun sözlərinə görə, Təbriz-İrəvan marşrutu üzrə həftəlik uçuşlar Təbrizin “Şəhid Mədəni” Beynəlxalq Hava Limanından həyata keçiriləcək.

Uçuşları “Pouya Airlines” aviaşirkəti həftədə iki dəfə – bazar ertəsi və cümə axşamı günləri yerinə yetirəcək.

İlk uçuş avqustun 20-də saat 09:00-da Təbrizdən İrəvana həyata keçiriləcək.