“Türkiyə ABŞ-ın sanksiyalarına cavab verəcək”.
Bunu Türkiyənin xarici işlər naziri Mövlud Çavuşoğlu deyib.
Nazir ABŞ-ın Türkiyəyə qarşı bütün təhdid və sanksiyalarının qəbuledilməz olduğunu vurğulayıb.
Çavuşoğlu ABŞ Konqresinin dağıdıcı yanaşmadan imtina etməsini gözlədiyini də söyləyib. Onun sözlərinə görə, hazırda Ankara ilə Vaşinqton arasında münasibətlər kritik mərhələdədir.
O, bunu Ankaraya gələn vitse-prezident Mayk Pensin başçılıq etdiyi ABŞ nümayəndə heyətinə çatdıracağını qeyd edib.