Yəməndəki husiləri dəstəkləyən İran bölgədə sabitliyin olmasını istəmir. Xüsusən də Səudiyyə Ərəbistanı, Türkiyə və Pakistanın birgə hərbi ittifaq yaradılması Tehranın narahatlığına səbəb olub.

Bunu xalqcebhesi.az-a siyasi şərhçi Füzuli Kərimov deyib.

Qeyd edək ki, Yəmənli husilər Səudiyyə Ərəbistanının paytaxtı Ər-Riyaddakı Kral Xalid Beynəlxalq Hava Limanına və Rabihadakı “Aramco” neft emalı zavoduna ballistik raket və dronlarla hücum ediblər.

Oktyabrın 5-də isə Yəmən hakimiyyəti Husilərin nəzarətində olan əraziləri geri qaytarmaq və Sənanı azad etmək məqsədilə “Yəmən şəfəqi” əməliyyatına başlanıldığını açıqlayıb.

Səudiyyə koalisiyası isə “Ənsar Allah”ın mövqelərinə endirilən zərbələrdə 100-ə yaxın qırıcı təyyarənin iştirak etdiyini və 300-dən çox hədəfin vurulduğunu bildirib.

F.Kərimov deyib ki, husilərin əsas məqsədi Yəməndə hakimiyyətə sahiblənmək və Səudiyyə Ərəbistanın onlara mane olmasının qarşısını almaqdlr: "İran bunlara görə husilərə hərtərəfli dəstək göstərir. İstəyir ki, islam dünyasında ancaq o güc sahibi olsun".

Cavid