Rusiyada media qiyamı Dünya

Rusiyada media qiyamı

"Lenta.ru"nun redaksiyası Kremlin müdaxiləsinə etiraz olaraq tam tərkibdə istefa verib

Rusiyanın məşhur "Lenta.ru" portalının baş redaktoru Qalina Timçenkonun işdən azad olunmasına etiraz edərək bütün kollektiv istefa bəyanatı yayıb.
APA-nın "lenta.ru"ya istinadən verdiyi məlumata görə, bəyanat saytda yerləşdirilib.
Bəyanatda bildirilib ki, ötən gün "Afişa-Rambler-SUP" şirkətinin sahibi Aleksandr Mamut portalın baş redaktoru Qalina Timçenkonu Aleksey Qoreslavski ilə əvəz edib.
Portalın istefa verən kollektivi bəyanatında bu addımın birbaşa redaksiyaya təzyiq olduğunu qeyd edib. Onlar bildiriblər ki, müstəqil redaktor vəzifəsindən azad olunub, onun yerinə isə Kremlə yaxın şəxs təyin olunub ki, bu da KİV haqqında qanunvericiliyin pozulmasıdır. Bəyanatda Rusiyada yaxın aylarda daha bir neçə KİV-in bağlanmasının gözlənildiyi, belə davam edərsə, jurnalistlərin iş yeri tapmaqda çətinlik çəkəcəyi də vurğulanıb.
Qeyd edək ki, Qalina Timçenko 1999-cu ildən, "lenta.ru" yaranandan portala rəhbərlik edib.
Aleksey Qoreslavski isə 2013-cü ildən "Afişa-Rambler-SUP"da çalışıb. Təyin olunanadək o, şirkət baş direktorunun xarici əlaqələr üzrə müavini vəzifəsində işləyib. Bu vəzifədən öncə Aleksey Qoreslavski "Vzqlyad.ru" internet-qəzetə başçılıq edib.