Bu il Həcc ziyarətinə ancaq yeni növ koronavirus infeksiyasına (COVID-19) qarşı peyvənd edilmiş şəxslər gedə biləcək.

APA-nın “Okaz” nəşrinə istinadən verdiyi xəbərə görə, bununla bağlı Səudiyyə Ərəbistanının Səhiyyə Nazirliyi müvafiq qərar qəbul edib.

Qərara əsasən, yalnız COVID-19-a qarşı peyvənd olunmuş şəxslərin bu il Həcc ziyarətində iştirakına icazə veriləcək.

“COVID-19 peyvəndi Həcc ziyarətində iştirak edəcək şəxslər üçün məcburidir və əsas şərtlərdən biri olacaq”, - deyə qərarda bildirilib.