Mərkəzi Amerika ölkəsi Qvatemaladan Meksikaya gələrək ABŞ-a qeyri-qanuni yollarla keçən və sərhəddə nəzarətə alınan ailənin 8 yaşındakı oğlu həyatını itirib. Bu barədə ABŞ Gömrük və Sərhəd Mühafizə xidmətindən məlumat verilib.
Uşağın ABŞ-ın Nyu-Mexiko ştatının Alamogordo bölgəsində xəstələnərək xəstəxanaya aparıldığı bildirilib. Soyuqdəymə və qızdırma diaqnozu qoyulan uşaq dərman verilərək evə buraxılıb. Bir neçə saat sonra ürək bulanması və qusma şikayəti ilə təkrar xəstəxanaya gətirilən uşaq qısa müddətdən sonra ölüb.
Qeyd edək ki, keçən həftə də bu ölkədən gələn 7 yaşındakı qız uşağı uzun müddət ac və susuz qaldığına görə həyatını itirtmişdi.