ABŞ Səudiyyə Ərəbistanıyla “Saudi Aramko” şirkətinin obyektlərinə hücumla bağlı kəşfiyyat məlumatlarını bölüşüb.
Bu məlumatı “Vol Strit Jurnal” öz mənbələrinə istinadən yayıb. Amerika kəşfiyyatının məlumatlarında İranın Səudiyyə Ərəbistanına hücumu 20 pilotsuz uçan aparat və minimum 10 raketlə həyata keçirdiyi vurğulanıb.
Məlumatlarla tanış olan Ər-Riyad rəsmiləri ABŞ-ın onlara təqdim etdiyi sübutların yetərli qədər olmadığını bildiriblər. ABŞ-ın Ər-Riyada yeni kəşfiyyat məlumatlarını yaxın zamanlarda təqdim edəcəyi vurğulanıb.