İdliblə bağlı Moskvada keçirilmiş Rusiya-Türkiyə danışıqları nəticə verməsə, Rusiya Prezidenti Vladimir Putin və Türkiyə Prezidenti Rəcəb Tayyib Ərdoğan görüşəcəklər.
Bunu Türkiyə Xarici İşlər naziri Mövlud Çavuşoğlu deyib.
“Əgər Moskvadakı danışıqlarda heç bir nəticə əldə olunmasa, ola bilsin ki, yaxın günlərdə prezidentlər səviyyəsində görüş baş tutsun”, - Türkiyə XİN başçısı bildirib.
Qeyd edək ki, danışıqların birinci mərhələsi ötən həftə Ankarada baş tutmuşdu. İkinci mərhələ isə Moskvada dünən və bu gün keçirilib.