İki aydan çoxdur dənizdə batdığı ehtimal edilən Tural Sultanovun axtarışları davam edir.

Bu barədə FHN-in Mətbuat Xidmətinin məlumatında bildirilib.

Qurumdan bildirilib ki, bu il 27 sentyabr tarixində dənizdə batdığı ehtimal olunan 1992-ci il təvəllüdlü Sultanov Tural Hüseynağa oğlunun axtarışları davam etdirilir.

Axtarışlar FHN-in Aviasiya dəstəsin helikopteri, Kiçikhəcmli Gəmilərə Nəzarət və Sularda Xilasetmə Dövlət Xidmətinin, Xüsusi Riskli Xilasetmə Xidmətinin və Cənub Regional Mərkəzinin qüvvələri tərəfindən həyata keçirilir.

Əlavə məlumat veriləcək.

Qeyd edək ki, Tural Sultanov çalışdığı gəmidə itkin düşüb. O, ixtisasca həkim olub. Gəmi ilə yanaşı özəl klinkada həkim kimi fəaliyyət göstərib. O, sonuncu dəfə sentyabrda ailəsi ilə danışıb və oktyabrda geri dönəcəyini bildirib.