“Bu gün bizim üçün ən xoş, ən qürurlu gündür. Doğma elimizə, obamıza qayıdırıq”.

APA xəbər verir ki, bunu bu gün Cəbrayıl rayonu Horovlu kəndinə qayıdan keçmiş məcburi köçkün Teymur Allahverdiyev deyib.

“Bu sevincimizi bizə yaşadan bütün şəhidlərimizə Allahdan rəhmət diləyirik. Allah Prezidentimizə və qazilərimizə can sağlığı versin, onları qorusun. Mən ailə üzvlərimlə birlikdə Cəbrayıla qayıdıram. Cəbrayıl indi əvvəlkindən də gözəldir. Sevinə-sevinə, qürurla gedirik”, - o əlavə edib.