ABŞ Prezidenti Donald Tramp Ukraynaya onun ərazisində "Patriot" raketlərinin istehsalı üçün lisenziya verməməlidir.

Xalqcebhesi.az xəbər verir ki, bu barədə "Responsible Statecraft" nəşri məlumat yayır.

Materialda qeyd olunduğu kimi, Kiyevə raket-əleyhinə (hava hücumundan müdafiə) raketlərinin istehsalı hüququnun verilməsi hava hücumundan müdafiə (HHM) vasitələrinin qıtlığı problemini həll etməyəcək, lakin eyni zamanda ABŞ-ın milli təhlükəsizliyi üçün ciddi risklər yaradacaq.

"Çünki rəqiblərin hərbi sirrə çıxış əldə etməsi daha asan olacaq. Buna görə də Tramp administrasiyası bu sorğunu rədd etməlidir", — deyə nəşr yazır.

Məqalə müəllifi qeyd edir ki, Ukrayna ağlabatan müddətdə "Patriot" raketlərinin istehsalını qura bilməyəcək. Belə ki, Almaniyada 2024-cü ilin əvvəlində başladılan analoji layihə yalnız 2028-ci ilə qədər tam gücü ilə fəaliyyət göstərəcək.

Məryəm Quliyeva