2023-cü ilin yanvar-aprel aylarında Azərbaycan İsrailə 826,905 min tondan çox neft və neft məhsulları ixrac edib ki, bu da Azərbaycanın ümumi xammal ixracının 8,67 faizini təşkil edir.

Trend xəbər verir ki, bu göstərici illik hesablamada 1,33 faiz və ya 10,5 min ton artıb.

Hesabat dövründə Azərbaycandan İsrailə neft və neft məhsulları ixracı dəyər ifadəsində təqribən 501 milyon dollar olub ki, bu da 2022-ci ilin analoji dövrü ilə müqayisədə 7,1 faiz və ya 38,837 milyon dollar azdır.

Bütünlükdə 2023-cü ilin yanvar-aprel aylarında Azərbaycan 9,236 milyon tona yaxın neft və neft məhsulları ixrac edib ki, bu da ötən ilin analoji dövrünün göstəricisindən (9,5 milyon ton) 2,6 faiz azdır. Dəyər ifadəsində neft ixracı 5,715 milyard dolları ötüb ki, bu da 2022-ci ilin yanvar-aprel aylarının göstəricisindən 12,7 faiz və ya 829,564 min dollar azdır.