Neft-qaz resurslarının vaxtaşırı siyasi proseslərin alətinə çevrilməsi qlobal müstəvidə enerji təhlükəsizliyinə xələl gətirir.

"APA-Economics” xəbər verir ki, bunu SPECA İqtisadi Forumunda çıxışı zamanı energetika nazirinin müavini Samir Vəliyev bildirib.
Onun sözlərinə görə, son illər neftin qiymətinin dəyişikliyi ilə bağlı proseslərdə geosiyasi amillərin artan rolu və neft bazarında müşahidə olunan qeyri-sabitlik buna nümunədir.

Nazir müavini qeyd edib ki, son illərdə aşağı karbonlu enerjiyə keçiddə təbii qazın rolu artır, lakin burada enerji təhlükəsizliyi, mənbə və marşrutların diversifikasiyası kimi məsələlər ön plana çıxır.

"Tarixi neft-qaz ölkəsi olan Azərbaycanda enerji siyasətini yeni çağırışlara uyğunlaşdırmaqla enerji təhlükəsizliyi məsələsinə çoxşaxəli yanaşmağa çalışır", - Samir Vəliyev qeyd edib