Orta Dəhlizin regional yaşıl dəhlizə çevrilməsi Asiya İnfrastruktur İnvestisiya Bankının mandatına tam uyğundur.

APA xəbər verir ki, bunu AIIB-nin İnvestisiya üzrə Direktoru Olivier Oudin COP29 çərçivəsində keçirilən "Dayanıqlı Əlaqələr Yolları: CICA və onun üzv dövlətlərinin səyləri və Asiyada Təhlükəsiz, Effektiv və İqlimə Davamlı Nəqliyyat Dəhlizləri üzrə Regional Təşkilatlar" panel müzakirəsində bildirib.

"Orta Dəhlizin regional yaşıl dəhlizə çevrilməsi Asiya İnfrastruktur İnvestisiya Bankının mandatına tam uyğundur və biz onu Asiyada və Avropada bazarlar üçün əsas və etibarlı nəqliyyat marşrutu etmək üçün Azərbaycanı müasirləşdirməyə dəstək verməyə hazırıq. Bu məqsədə nail olmaq üçün ADB, CARES və AB kimi digər inkişaf tərəfdaşlarımızla əməkdaşlıq etməyə hazırıq," deyə o bildirib.